Wednesday, March 18, 2009

A poem from the past

A poem which I wrote in April '06...

kinkartvayavimud sa kiya is jeevan ne..
akele baitha likh raha poem main raat ke andhere main
hindi english ka banaya aisa mixture
padne waala bhi puche kaun hai yeh naya poet

apne views humein kyon suna raha hai
aakhir hamne iske aisa kya bigada hai
kal endsem hai aur ise qavita sujh rahi hai
shaayad iske mann main fir se fakke khane ki iccha jagrit hui hai

bhai gazab kar rahe ho
qavita likhne waale ko discourage kar rahe ho
main puchta huun kya sirf intellectual hi qavita likh sakhte hain
mere jaise normal insaan kya apna view nahin prakat kar sakte hain

bhai to hum hi mile the kya qavita sunane ko??
sun ke to dekhiye, ho sakta hai nai tasveer dikha duun aapko
chalo tumhari bhi baat maante hai,
ek aur qavi ko ab hum paalte hain
rahne dijiye kyon itne bhaav kha rahe hain
chaar line ke khaatir kyon apne ehsaan tale mujhe daba rahe hain
qavita to maine apne liye likhta huun, har ajju baaju waale ki man ki baat
bolta huun
nahin sunani to chup chapp aage jaiye, jabardasti ki kahri khoti to mat sunaiye
sunne waale to aur bhi bahut mil jayenge, aaj nahin to kal hum bhi famous ho jayenge,
humein dutkaarne se phle kam se kam itna to sochna tha
qavi banne se pehle main bhi aapke jaisa normal sa insaan tha
lekin desh ke haalaat ne itna rulaya tha
qavita hi aakhri raasta nazar aaya tha

multinational ke chakkar main fansa middle class hai
saas bahu ke alawaa baaki sab bakwaas hai
bhaarat se jyada US unhe pyaara hai
aakhir is desh ne diya hi unhe kya hai
roti daal to ban gaya old fashion hai
pizza burger hi karta puri apni temptation hai
aathaane ki cola petrol ke daam main bikti hai
jise bechne ke liye puri bollywood line laga ke khadi hai
gita, mahabharat, ramayan yah sab to bakwaas hai
zee aur star main hi basa apna sansaar hai

duniya ki sabse puraani bhaasha main dhara hi kya hai
ab to angrezi main hi rakha 'mom' aur 'dad' ka pyaar hai
jab hum apne vedon ko bhul chuke teh
tab chinese aur german uspe research kar rahe the
haldi neem ka patent bhi videshi le rahe the
jab hum paste use kar rahe the
jhan videsh main yoga famous ho raha hai
is desh main McD nayi dukaanein khol raha hai
jis desh ne guru ko bhagwaan mana hai
wahin pe convent main n padne waala illiterate samaan hai


culture aur sanskriti ko bhi humne taak pe rakh diya hai
mallika sherawat bina din kahan katta hai
Tv n hua family member ho gaya
adhnangi ladkiyan dekhna family tradition ho gaya
saath baith ke khana rare ho gaya
kyonki busy schedule se family ke liye time nikalna difficult ho gaya
rishton ke is daish main bhi paise ne apna ruup aisa dikhaya
baap ko bete aur bhai ko bhai se ladwaaya

bollywood main bhi naya daur aa gaya hia
saaf - suthri family film banana ab ek paap hai
music vidoes ne to saari had paar kar di
TV pe hi saari fantasies puri kar di
kabhi kabhi to burman da bhi upar se sochte honge
kya maine gaanne in remix ke liye likhe the

kyon is desh ke logon ko videshi itne bhaate hain
kyon yah sab godi chamadi ke itne bade pujaaree hain
ya fir hum abhi bhi 1 hazaar saal ki gulaami ko bhul nahin payen hai
jisne khatam kar diya hamara aatm vishwaas hai

qavita khatam karke main bhi ab normal insaan nahin rah gaya huun
shayyad ek intellectual ho gaya huun
aapke bhi gyaan chakshu khol chuka huun
bharat ke baare main bahut kuch bol chuka huun

Sunday, March 01, 2009

Girls and me






















This one is inspired (a bit :P) from one of the graphs at graphjam and paper 'Why I don't have a girlfriend'